«Саха итэҕэлэ» биэриигэ Сунтаар улууһун Бүлүүчээниттэн төрүттээх, Сунтаардааҕы ССКП райкомун бастак сэкирэтээринэн, Саха АССР үөрэҕириитин миниистиринэн, Москваҕа ССКП киин кэмитиэтин тэрийэр салаатын инструкторынан, Саха АССР миниистирдэрин сэбиэтин солбуйааччы бэрэссэдээтэлинэн, «Саха мебель» генеральнай дириэктэринэн өр сылларга эҥкилэ суох үлэлээбит, РФ үтүөлээх экэмииһэ, СӨ норуотун хаһаайыстыбатын үтүөлээх үлэһитэ, СӨ судаарыстыбаннай бириэмийэтин лауреата, «Хотугу сулус» уордьан I кавалера, Саха сирин киэн туттар судаарыстыбаннай, бэлитиичэскэй диэйэтэлэ Владимир Гаврилович Павлов төрөөбүтэ 90 сылын бэлиэтиир тэрээһин.
Тэрээһиҥҥэ Саха сирин бастакы бэрэсидьиэнэ Михаил Николаев, СӨ Конституционнай суутун бэрэссэдээтэлэ Александр Ким-Кимэн, СӨ бочуоттаах олохтооҕо, СӨ норуотун хаһаайыстыбатын үтүөлээх үлэһитэ Климент Иванов, СӨ Конституционнай суутун судьуйата Игорь Николаев, Ил Дархан уонна бырабыыталыстыба дьаһалтатын салайааччытын солбуйааччы Евгений Федоров, Ил Түмэн депутата Андрей Николаев кыттыыны ыллылар.