Мэҥэ Хаҥалас улууһун Аллараа Бэстээх бөһүөлэгэр «Культура» национальнай бырайыак чэрчитинэн, Култуура сайдыытын киинэ тутулла сылдьара бэлиэтэнэр.
Ил Дархан Айсен Николаев бэлиэтииринэн, Аллараа Бэстээх Култуура сайдыытын киинэ Өрөспүүбүлүкэҕэ сүҥкэн эбийиэк буолар.
Муус устар 12 күнүгэр СӨ култуураҕа уонна духуобунай сайдыытын миниистирэ Афанасий Ноев үлэ хаамыытын кэтээн көрдө.
2024 сыл сэтинньитигэр тутуу монтажнай үлэтэ түмүктэнэрэ былааннанар. Ол курдук, 33 киһи уонна 3 тиэхиникэ эбийиэк тутуутугар үлэлии сылдьар. Бүгүҥҥү туругунан, эбийиэк тутуу матырыйаалынан толору хааччыллан, 56% бэлэм буолбута бэлиэтэнэр.
Афанасий Ноев тутуу болдьоҕор бүтэрин курдук, үлэһит ахсаанын элбэтэргэ болҕомтотун уурда.
Бэлиэтээн эттэххэ, 2024 сылга өрөспүүбүлүкэҕэ «Культура» национальнай бырайыак чэрчитинэн, Чурапчы улууһун Толон сэлиэнньэтигэр итиэннэ Сунтаар улууһун Кириэстээҕэр Култуура дьиэлэрэ үлэҕэ киириэхтээх.