Сергей Афанасьевич Зверев-Кыыл Уолун сүдү талааныгар сүгүрүйэн, 125 үбүлүөйдээх сылын көрсө «Тоҕус оһуордаах түһүлгэ» диэн өрөспүүбүлүкэтээҕи норуот уус-уран айымньытын күрэһэ киин куоракка муус устар 9-10 күннэригэр ыытылынна.
«Оллоон» бөлөх иитиллээччитэ Сандаара Слепцова норуот ырыата түһүлгэҕэ бастаата, олоҥхоҕо «олоҥхо тэтимин тутааччы» анал аат кыайыылааҕа буолла. Салайааччы — Иванова С.О.
Үгэ, чабырҕах уус-уран ааҕыы күрэһигэр Матрена Владимирова—Силигийээнэ (Эмис нэһилиэгэ) иккис миэстэ буолла.
Оһуохайга «түөлбэ үгэһин утумнааччы» анал аат «Оллоон» бөлөх иитиллээччитэ Лена Степановаҕа иҥэрилиннэ. Салайааччы — Иванова С.О.
Олоҥхоҕо «түөлбэ үгэһин утумнааччы» анал ааты Култуура уонна норуот айымньытын салалтатын фольклорга исписэлииһэ Анна Кириллинаҕа туттардылар.
И.И. Константинов аатынан Сулҕаччы орто оскуолатын үөрэнээччитэ Юлиан Матвеев төрүт дорҕоон «Кэскиллээх толорооччу» анал аакка кыайыыны ситистэ.
Тойукка «Аар тайҕа ырыаһытыгар сүгүрүйүү» анал аат кыайыылааҕа Гаврил Орлов (Сатаҕай нэһилиэгэ) буолла.
