Саха сирин Муусука Үрдүкү оскуолата 2024-2025 үөрэх дьылыгар оҕолору сүүмэрдиирин биллэрдэ. Муус устар 17 күнүттэн үөрэххэ киирэр оҕолору көрөн саҕалыахтара. Бу туһунан үөрэх уонна билим үлэтин проректора Светлана Вдовенко иһитиннэрдэ. Кини этэринэн, сыллата киириэн баҕалаах оҕо ахсаана элбээн иһэр.
«Былырыын биир миэстэҕэ аҕыйаабыта икки хандьыдаат баара. Муусука үрдүкү оскуолата оҕо муусука эйгэтигэр дьоҕурун сайыннарарыгар улахан кыаҕы биэрэр. Ол курдук, «Музыкальное искусство» диэн хайысха иккис сылын бастакы лигаҕа киирсэр. Биһиги үөрүүнү кытта талааннаах оҕолору күүтэбит», — диэн проректор эттэ.
Бүгүҥҥү туругунан, Муусука Үрдүкү оскуолатыгар 174 үөрэнээччи итиэннэ 103 устудьуон баара бэлиэтэнэр. Оскуоланы бүтэрбиттэрэ: Саха сирин норуодунай уонна үтүөлээх артыыстара, үрдүк таһымнаах куонкурус лауреаттара уонна оркестр солистара. Кинилэр идэлэринэн Россия иһигэр эрэ буолбакка, тас дойдуларга эмиэ үлэлии-хамсыы сылдьаллар. Ону таһынан, выпускниктар Мариинскай тыйаатырга, Большой тыйаатырга, Нуучча филармониятын симфоническай оркестрыгар уонна Михайловскай тыйаатырга кыттыыны ылаллар.