Muus Ustar ыччат бэстибээлин чэрчитинэн өрөспүүбүлүкэ киинигэр Россия биир бастыҥ стилиһэ Гала Борзова маастар-кылаас ыытыаҕа.
Тэрээһин кулун тутар 25 күнүгэр Арктикатааҕы судаарыстыбаннай култуура уонна искусство институтугар 16:00 чааска ыытыллыаҕа. Маастар-кылаас тиэмэтэ — «Новые технологии в дизайне одежды».
Гала Борзова Саха сириттэн төрүттээх, дойду биэс бастыҥ дизайнердарын ахсааныгар киирэр, кинини TATLER RUSSIA сурунаал Россияҕа бастыҥ стилиһинэн талбыта.
Ону тэҥэ бу күн 18.00 чаастан муода көрдөрүүтэ уонна эдэр дизайнердар быыстапкалара буолар.
Онно 14-тэн 35-гэр диэри саастаах эдэр модельердар, бренд ааптардара, ювелирнай оҥоһуктар дизайнердара ыҥырыллаллар.
Сайаапкалары кулун тутар 14 күнүгэр диэри бу нүөмэргэ 89245911208 туталлар.