Быйыл күһүн саха худуоһунньуга Иван Попов туһунан «Не хороните меня без Ивана» киинэ киэҥ эйгэҕэ тахсыаҕа. Бу туһунан СӨ култуура уонна духуобунай сайдыы министиэристибэтин пресс-сулууспата иһитиннэрэр.
«Киинэни устуу 2021 сыл бэс ыйыгар Таатта улууһун Ытык Күөл сэлиэнньэтигэр саҕаламмыта. Сүрүн оруоллары Дариус Гумаускас уонна Александр Чичахов толоруохтара. 2022 сыл күһүнүгэр тахсара былааннанар», — диэн иһитиннэриигэ этиллэр.
«Сахафильм» киинэ хампаанньатын кытта «Студия Автор» Москватааҕы киинэ устуудьуйата оҥорон таһаарбыт үлэлэрэ буолар. Режиссер Любовь Борисова. Кини бастакы «Мин үрдүбэр күн хаһан да киирбэт» киинэтэ ММКФ көрөөччүлэр биһирэбиллэринэн бэлиэтэммитэ.
Санатан эттэххэ, 2020 сыллаахха «Сахафильм» Россия култуура министиэристибэтин федеральнай куонкуруһугар кыайбыта уонна бу бырайыакка 20 мөлүйүөн солкуобайы ылбыта. Итиэннэ өрөспүүбүлүкэ бүддьүөтүттэн тоҕус мөлүйүөн суумалаах үп көрүллүбүтэ.