Өрөспүүбүлүкэ киинигэр тохсунньу 18-23 күннэригэр оҕолорго аналлаах тэрээһиннэр онлайн ньыманан ыытыллаллар. Бу туһунан СӨ Култуураҕа уонна духуобунай сайдыыга министиэристибэтин пресс-сулууспата иһитиннэрэр.
Ол курдук, испэктээкиллэр, оонньуулар, экскурсиялар, үөрэнээччи кыттыылаах көрдөрүүлэр барыта онлайн буолуоҕа.
«Санитарнай-эпидемияны утары охсуһар хамыыһыйа боротокуолугар, кылаабынай санитарнай быраас этиитигэр олоҕуран, Дьокуускай уонна куорат таһынааҕы үөрэх тэрилтэлэригэр очнай үөрэтии тохтоото. Оҕо испэктээкиллэрэ, тэрээһиннэрэ онлайн ньыманан ыытыллаллара быһаарылынна. Эрдэ атыылаһыллыбыт билиэттэри, ол иһигэр Пушкинскай каартаны төнүннэриэххэ сөп», — диэн миниистири бастакы солбуйааччы Владислав Левочкин эттэ.