Режиссер Михаил Лукачевскай «Вертолет» киинэтэ, алтынньы саҕаланыыта ыытыллыбыт «Киношок» бэстибээл кыайыылааҕа буолла.
Ол эрэн, киинэ режиссера наҕарааданы туттарыыга кыттыбата. Бүгүн, алтынньы 11 күнүгэр, пресс-конференция кэмигэр продюсер уонна сценарист Иннокентий Васильев «Золотая лоза» статуэтканы Михаил Лукачевскайга туттарда.
Маны таһынан, киинэ , режиссер бастыҥ үлэтин иһин бирииһи, оператор бастыҥ үлэтин иһин Княжинскай аатынан бирииһи, ону тэҥэ пресса дипломун ылла.
Киинэҕэ, ыраах хоту бөһүөлэккэ аймахтарыгар тиийэн баран оҕолоро ыалдьыбыт дьиэ кэргэн туһунан көстөр. 2022 сыл олунньутуттан киинэ тыйаатырдарыгар көрдөрөрү былаанныыллар.