Нуучча суруйааччыта, историк, «Зимняя дорога» кинигэ ааптара Леонид Юзефович Саха сирин суруйааччыларын уонна ааҕааччыларын кытта киин куоракка көрүстэ.
Көрсүһүү онлайн уонна офлайн көрүҥүнэн өрөспүүбүлүкэ Национальнай библиотекатыгар буолан ааста.
Леонид Юзефович «Зимняя дорога» кинигэтин 20 сыл устата суруйбут, роман архыып докумуоннарын чахчыларыгар олоҕурар.
Докумуоннарга олоҕуран суруллубут роман Россияҕа гражданскай сэрии көстүбэтэх өрүттэрин арыйар, Владивостоктан Саха сиригэр аттаммыт Сибиирдээҕи добровольческай этэрээт туһунан сырдатар.