Дьокуускай куоракка байыастары өйөөн «Слава защитникам Отечества!» диэн митинг-кэнсиэр оҥордулар.
«Бары байыастарбытыгар, бэтэрээннэрбитигэр улахан махталбын тиэрдэбин. Биһиги кинилэринэн киэн туттабыт! Бу күннэргэ саллааттарбытыгар көмө буолаары дойду дьоно түмүстэ. Мин ис сүрэхтэн Саха сирин олохтоохторугар тус кылааттарын иһин махтанабын. Кинилэр бары көмө аахсыйаларга кытталларын, көмөлөһөллөрүн истэбин, көрөбүн», – диэн СӨ бырабыыталыстыбатын бэрэссэдээтэлэ Андрей Тарасенко эттэ.
Кини этэринэн, СӨ баһылыгын Айсен Николаев соругунан, байыастар дьиэ кэргэттэригэр биир кэлим төлөбүрү, оҕолорго босхо аһылык, сынньалаҥ лааҕырыгар путевкалар, тустаах үөрэхтэргэ дуогабар баттааһын, дьиэлэргэ гаас киллэрии олоххо киирбиттэр.
«Ити өйөбүллэр өссө кэҥиэхтэрэ. Биһиги салгыы байыастарга уонна кинилэр дьиэ кэргэттэригэр көмөлөһүөхпүт. Бээһэ федеральнай мунньахха дойду бэрэсидьиэнэ анал судаарыстыбаннай пуонданы олохтооһун туһунан эппитэ», – диэн Андрей Тарасенко эттэ.
\