Ил Дархан Айсен Николаев тохсунньу 22 күнүгэр Үөһээ Бүлүүгэ Олоҥхо ыһыаҕын тэрийэр кэмитиэтин мунньаҕын ыытта.Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
«Россия норуоттарын култуурнай нэһилиэстибэлэрин уонна өрөспүүбүлүкэ Сүүс сылынан үрдүк таһымнаахтык ааһыахтаах. 2020 сылтан былааннаах үлэ ыытыллыбыта кэрэхсэбиллээх. Хайыы-үйэ элбэх кээмэйдээх үлэ оҥоһулунна, эбийиэктэр тутууларын ситэрии уонна өрөмүөннээһин ыытыллар. Билигин сүрүн сыал — былааннаммыт тэрээһини олоххо киллэрии», — диэтэ кини.
XV-с төгүлүн буолар Олоҥхо Ыһыаҕа бэс ыйын 20-21 күннэригэр Үөһээ Бүлүүгэ ыытыллыаҕа. Олоҥхо ыһыаҕын бырагырааматыгар бастакытын ЮНЕСКО шедеврдэрин IV-с бэстибээлэ киирдэ.
Ыһыахха Олоҥхо тыйаатырын, Саха тыйаатырын, Үҥкүү тыйаатырын, Үүнэр көлүөнэ тыйаатырын, Хотугу аҕыйах ахсааннаах норуоттар тыйаатырдарын артыыстара кыттыахтара. Сүрүн режиссер Руслан Тараховскай.
Олоҥхо ыһыаҕын эбийиэктэрин тутуу 2020 сыллаахтан саҕаламмыта. Ол курдук, 2200 миэстэлээх трибуналаах киин түһүлгэ, кымыс иһиитин сиэрин-туомун киинэ, «Аал Луук мас» уонна күн тахсыытын көрсөр сир, Аар Баҕах сэргэ, Өрөспүүбүлүкэ аллеята тутулла тураллар. Ону тэҥэ, ипподром тутуута саҕаланна.