Бүгүн, кулун тутар 4 күнүгэр Дьокуускайга «Алаас уран тарбахтаахтара» бырайыак биир сыллааҕы үлэтин түмүгүн таһаардылар.
Ааспыт сыл устата национальнай библиотека икки саалатыгар норуот маастардарын 11 быыстапката туруоруллубута. Дьон-сэргэ биһирэбилин сахалыы паннолар, кыбытык тигиилэр, кылтан оҥоһуктар уонна араас киэргэллэр ылбыттара.
Тэрийээччилэр этэллэринэн быыстапкаҕа турбут оҥоһуктар хаартыскалара сотору кэминэн кинигэҕэ тиһиллиэхтэрэ, электроннай көрүҥҥэ национальнай библиотека интернет сайтыгар угуллуоҕа.