Аллараа Бэстээххэ богуоннар кэлбиттэр — Эдэрсаас – сахалыы сонуннар – новости на якутском языке

Аллараа Бэстээххэ таһаҕас тиэммит 401 богуон кэлбитэ. 

Ааспыт нэдиэлэ бүтүүтүгэр аһы-үөлү, табаардары тиэммит сүүс отучча богуону сүөкээбиттэр. Бу туһунан СӨ Бырабыыталыстыбатын Бэрэссэдээтэлин солбуйааччы Михаил Никифоров иһитиннэрэн турар.

«Арассыыйа тимир суоллара» ААУо суолунан 1363 богуон айаннаан иһэр. Итинтэн Аллараа Бэстээххэ 691 кэлэрэ күүтүллэр.

СӨ сыана бэлиитикэтин судаарыстыбаннай кэмитиэтэ СӨ Борокуратууратын кытта күн ахсын сыана төрүөтэ суох үрдээбэтигэр үлэлэһэллэр. Маныаха вице-премьер табаарга сыана үрдээбитин туһунан гражданнартан үҥсүү киирэрэ аҕыйаабытын иһитиннэрбит.