«Саха» НКИХ ханаала алтынньы 4 күнүттэн «Дьол тааһа» саҥа сериалы көрдөрөн саҕалыаҕа.
Сериал режиссера Марина Платонова, 38-тыы мүнүүтэлээх 16 сиэрийиэлээх буолуоҕа.
«Ааспыт ааспат амтана» уонна «Сүлүһүннээх таптал» үлэлэринэн биллибит Сардаана Сивцева — Даана Сард сценарийынан уһуллубут.
Сериал сүрүн ис хоһооно Миирнэйгэ 1960-с сыллаардааҕы тутааччылар тустарынан, икки көлүөнэни хабар. Билиҥҥи туругунан, киинэ монтаһын сүрүн үлэтэ түмүктэннэ.