«Девчата» диэн уус-уран киинэни көрбөтөх киһи диэн суоҕа булуо. Сэбиэскэй норуот, кэлиҥҥи да ыччат кутун-сүрүн туппут киинэтигэр олоҕуран, Федот Потапов аатынан Амматааҕы норуот айымньытын дьиэтигэр режиссер Степанида Пестерева-Антонова музыкальнай испиктээк туруорда. Сонун, үтүө көрдөрүү олохтоохтор биһирэбиллэрин ылбыт. Бу күннэргэ үгүс көрөөччү көрдөһүүтүнэн испиктээкили уһүс төгүлүн көрдөрдүлэр.
Туруорууга Амма нэһилиэгин уус-уран самодеятельноһын кыттыылаахтара, норуот айымньытын дьиэтин исписэлиистэрэ оонньоотулар. Сүрүн оруоллары ыллыыр-туойар дьоҕурдаах Анна Акимова, Николай Пухов эт куоластарынан ыллаан-туойан олус итэҕэтиилээхтик оонньоон киэргэттилэр.
Бу музыкальнай испиктээк Дьокуускай куорат олохтоохторугар анаан тохсунньу ый 21 күнүгэр Өксөкүлээх Өлөксөй аатынан норуоттар доҕордоһууларын дьиэтигэр көстүөҕэ.