Ааспыт бээтинисэттэн уон күн устата киин куорат Хомсомуол болуоссатыгар тыа хаһаайыстыбатын министиэристибэтин тэрээһининэн ас-үөл быыстапка-дьаарбаҥката үлэтин саҕалаабыта.
Бу улахан тэрээһин бастакы күннэригэр 50-тэн тахса өрөспүүбүлүкэ агропромышленнай комплексын араас көрүҥнээх хаһаайыстыбалара уонна биэс аргооскоуола кэлэн кытта сылдьаллар. Кинилэр барыта 300-тэн тахса көрүҥ бэйэлэрэ оҥорон таһаарбыт бородууксуйаларын батардылар. Куорат олохтоохторо уонна ыалдьыттара хас сыл аайы бу кэмҥэ буоларын курдук табаары оҥорон таһаарааччылар бэлэмнээбит астарын-үөллэрин хамаҕатык атыылаһаллар. Араас хабааннаах төгүрүк остуоллар, маастар-кылаастар, күрэхтэр буола тураллар.
«Олох үөһүгэр» биэриигэ «Ас-үөл» быыстапка-дьаарбаҥка диэн ааттаан туһаайан кэпсэтии ыыттыбыт.