Бүгүн, атырдьах ыйын 25 күнүгэр, ойуур баһаардарын умуруорууга көмөлөрүн иһин, Дьокуускай телебашнята Еврейскэй автономнай уобалас былааҕын өҥнөрүнэн тыгыаҕа.
Киэһээ 21:00 чаастан телебашня маҥан, кыһыл, кытархай, араҥас, от күөҕэ , халлаан күөҕэ, фиолетовай өҥнөрүнэн сандаарыаҕа.
Дьокуускайдааҕы телебашня ойуур баһаарын умуруорууга үлэлии сылдьар тэрилтэлэр уонна регионнар бэлиэлэрин өҥүнэн атырдьах ыйын 18 күнүттэн умайан саҕалаата.
Бу күннэргэ Россия ыксаллаах быһыыга-майгыга, оборонаҕа министиэристибэлэрин, Рослесхоз, Авиалесоохрана, Забайкальскай кыраай, Амурскай уобалас уонна Бурятия былаахтарын өҥүнэн сандаарда.
Билигин Саха сирин дойду 16 регионун волонтердара, байыаннайдара уонна доброволецтара өйүүллэр.