Ю.А.Гагарин аатынан култуура уонна аныгы искусство киинин «Северное сияние России: культурный код Августины Филипповой» бырайыага бэрэсидьиэн граныгар кыайда.
Бырайыак 3 мөл.солк.ылбыт.
«Августина Николаевна 2020 сылтан Ю.А.Гагарин аатынан култуура киинигэр ыытыллар тэрээһиннэргэ үлэһиттэри кытта үлэлэһэр. Биһиги бырайыакпыт аатырбыт модельер, ойууһут үбүлүөйүгэр ананар. Ол курдук, Саха сиригэр этно-култуурунай нэһилиэстибэни тарҕатабыт», — диэн киин дириэктэрэ Евдокия Винокурова эттэ.
Бырайыак чэрчитинэн, төрүт таҥас, ааптарыскай куукула күрэһин, шоу-бырагыраама, Августина Филиппова уонна кини үөрэнээччилэрин үлэлэрин быыстапката, култуура уонна искусство диэйэтэллэрин ммастар-кылаастарын ыытар былааннаахтар. Тэрээһиннэр муус устар 1 күнүттэн от ыйын 31 күнүгэр диэри буолуохтара.
«Бу маннык улахан суумаҕа хаһан да киирсэн көрө иликпит. Ол эрээри биһиги грант ыларга ситиһиилээх уопуттаахпыт. Бу толкуйдаабыт идеябыт киэҥ хабааннаах буолан, биир кэлим ресурснай кииҥҥэ стратегическэй сиэссийэни ыытарга көрдөспүппүт», — диэн Евдокия Винокурова эттэ.
Ону таһынан, Саха сириттэн 11 бырайыак бэрэсидьиэн граныгар кыайбыт. Билигин экспертэр иккис күрэс бырайыактарын көрөллөр. Иккис куонкуруска кулун тутар 20 күнүгэр диэри сайаапканы ыытыахха сөп.