Бүгүн, муус устар 29 күнүгэр, «Саха» НКИХ ханаалыгар Саха АССР төрүттэммитэ 100 сылыгар аналлаах театрализованнай дьүһүйүүнү быһа эпииргэ көрүҥ.
Киэһэ 18:00 чааска саҕаланыа. Итиэннэ НВК «Саха» уонна «Якутия 24» ханааллар «ВКонтакте» социальнай ситимнэрин сирэйигэр көрүөххэ сөп.
Туруоруу «Триумф» спорт комплексыгар ыытыллыа. Манна уопсайа 1 750 киһи кыттыыны ылла — оҕо, ыччат үҥкүү ансаамбыллара, өрөспүүбүлүкэ киин куоратын култуура тэрилтэлэрин деятеллэрэ.
Поэмаҕа Эллэй уонна Александр Невскэй саҕаттан Саха сирин историята кэпсэнэр. Ураты болҕомто ордук саҥа кэрдиис кэм саҕаланыытыгар — автономияны ылыныыга ууруллар. Пьеса дьоруойдарынан Максим Аммосов, Платон Ойуунускай, Исидор Барахов, Степан Аржаков, аныгы булуокка — Михаил Николаев, Вячеслав Штыров, Егор Борисов буолуохтара.
Театрализованнай дьүһүйүү кэс тыллаах кэм капсулатын үүнэр көлүөнэҕэ тиэрдиинэн түмүктэниэ. Үөрүүлээх тэрээһиҥҥэ Ил Дархан Айсен Николаев уонна өрөспүүбүлүкэ бары улууһун ыччатын бэрэстэбиитэллэрэ кыттыахтара.