Россия бэрэсидьиэнэ Владимир Путин 2018 сылтан дойдуга «Оҕо саас 10 сылын» биллэрбитэ. Бырагыраама оҕо интэриэһин көмүскүүр, национальнай стратегия дьайыыларын салгыыр тосхоллоох. Сүрүн сыала хас биирдии оҕо олоҕо, доруобуйата харысхаллаах, инникитэ кэскиллээх уонна чаҕылхай буолуутун хааччыйыы, демографияны өрө тардыы.
«Олох үөһүгэр» биэриигэ Мэҥэ Хаҥалас улууһун «Кэскил» оҕону сайыннарар-реабилитациялыыр киин үлэһиттэрэ ыалдьыттаатылар. Биэрии иккис чааһыгар биэнсийэ пуондатын исписэлиистэрэ ийэ, дьиэ кэргэн хапытаала, биэнсийэ уонна да атын социальнай төлөбүрдэргэ уларыйыылар тустарынан кэпсээтилэр.