Бэрэсидьиэн граныгар Саха сириттэн икки бырайыак кыайан уопсай сууманан биир мөлүйүөн субсидия ылбыттар.
Ол курдук, 458 тыһ.солк. аҕыйах ахсааннаах хотугу норуоттар ассоциацията «Эвенское стойбище на Полюсе Холода» диэн экспозициялаах быыстапка комплексын оҥорууга ылыаҕа. Оттон 499 тыһ.сол. «Казачий сполох — 2023» Жатайдааҕы казактар уопсастыбаларын бырайыагын олохтуурга ананыаҕа.
Кулун тутар 10 күнүгэр бэрэсидьиэн гранын култуура өттүгэр бырайыактар бастакы куонкуруһун түмүгэ биллибит. Онно 11 бырайыак кыайбыт, олортон аҕыһа уопсастыбаннай тэриллиилэргэ уонна норуот икки ардыларынааҕы сыһыаны дьүөрэлииргэ ананна. Манна уопсай сууманан 14 мөл.солк.көрүллүбүт.
Билиҥҥи туругунан, биир кэлим ресурснай киин экспертэрэ култуура өттүгэр иккис куонкурус сайаапкаларын туталлар. Онтон кулун тутар 20 күнүттэн СӨ баһылыгын гранын күрэһэ саҕаланыа.