Сандал сааһы көрсө ыытыллар үгэс буолбут « Сандал саас» аахсыйа саҕаланар!
Аахсыйа чэрчитинэн «Саха»НКИХ оҕолорго аналлаах хоһоон, ырыа уонна клип күрэҕин биллэрэр!
- Оҕолорго аналлаах хоһоон күрэҕэ
Сүрүн ирдэбилинэн оскуолаҕа киириэн инньинээҕи саастаах оҕолорго хомоҕой тыллаах, өйдөнүмтүө, сахалыы тылынан икки түөрт строкалаах хоһоон буолуохтаах. Биир кыттааччы күрэххэ үстэн элбэҕэ суох хоһоону ыытыан сөп. Сиһилии балаһыанньаҕа көр: Положение конкурса стихотворений 2024 - Биһик ырыатын күрэҕэ
Ырыа соҕотох ааптар эбэтэр кэллэктиип киэнэ буолуон сөп. Тылын уонна матыыбын ааптара атын-атын киһи буолуон сөп. Хас биирдии кыттааччы күрэххэ үстэн элбэҕэ суох ырыаны ыытыан сөп. Ырыа 1-3 мүнүүтэ уһуннаах буолара ирдэнэр. Сиһилии балаһыанньаҕа көр: Положение конкурса колыбельных песен 2024 - Музыкальнай клип күрэҕэ
Оҕолорго аналлаах музыкальнай клип үс мүнүүтэттэн уһуна суох буолуохтаах уонна икки сылтан бэттэх оҥоһуллубут буолуохтаах. Соҕотох ааптар, айар кэллэктииптэр, эбэтэр үөрэх тэрилтэлэрин үлэлэрэ кыттыыны ылыахтарын сөп. Сиһилии балаһыанньаҕа көр: Конкурс клипов Весна на НВК
Үлэлэргитин 2024 сыл кулун тутар 25 күнүттэн ыам ыйын 20 күнүгэр диэри nvk2022@mail.ru электроннай почтаҕа күүтэбит. Түмүк бэс ыйын 1 күнүгэр — оҕо көмүскэлин күнүгэр тахсыаҕа.
Поделиться: