НВК Саха

«Тыа ыччата» биэрии саҥа таһаарыытын дьоруойдарынан Олоҥхо дойдута Сунтаар улууһун ыччатттара буоллулар: Туойтан араас оҥоһуктары оҥорор мастырыскыайдаах Диана Иванова; Дьаархан сэлиэнньэтин олохтоохторо, крестьянскай фермерскай хаһаайыстыбалаах Семеновтар дьиэ кэргэн. Аныгылыы ураты бырайыактаах хотону туппут прораб Станислав Семенов уонна хаһаайыстыба салайааччыта Иван Семенов; Тильда быһыылаах куукулалары тигэр ураты дьарыктаах казначейство исписэлииһэ Анастасия Тен.

«Асчыттар» биэриигэ «Аргыс кредит» кредитнай потребительскай кооператив толорооччу дириэктэрэ Ольга Прокопьева ачма, духовкаҕа буспут куурусса уонна кейк попс рецептарынан үллэһиннэ.

Коронавируһунан сибээстээн биллэриллибит уһун өрөбүллэри хайдах аатаарабытый? Туох миэрэ ылыллыахтааҕый? Улуустарга балаһыанньа хайдаҕый? Бу туһунан «Талбан» биэриигэ кэпсэттибит.

«Хопто хаһыыта», «Лара кыыс дьылҕата» кэпсээннэр ааптардара, суруйааччы Егор Федоров — Долун кыаммат буолуу кыһалҕатын, дьарыгын, бырайыактарын туһунан сэһэргээтэ.

Саха сиригэр коронавируһу кыайыыга ыйаахтар тахсан, үлэ күүскэ барар. Атыы-эргиэн, култуура тэрээһиннэрэ тохтоон тураллар. Улуустарга балаһыанньа хайдаҕый? Татта, Бүлүү баһылыктара ол туһунан кэпсээтилэр. Ону таһынан Италияҕа олорор биир дойдулаахтарбыт скайп нөҥүө таҕыстылар. Бэрэбиэркэлэммэтэх, сымыйа сураҕы тарҕаппыт дьон эппиэтинэскэ тардыллар. Онуоха тустаах уорганнар үлэлииллэр.

Госавтоинспекция Дьокуускайдааҕы салаатын пропагандатын испектора, бастыҥ хаһаайка Владилена Охлопкова ыалдьыттаата. Суолга сэрэхтээх буолуу туһунан сиһилии кэпсээтэ. Аһыы, минньигэс соустаах эти, крабовай палочкалаах рулет уонна облепиха чэйин оҥорон көрдөрдө.

Учредитель: Государственное бюджетное учреждение Республики Саха (Якутия) «Национальная вещательная компания Саха» (ОГРН 1021401064684)Адрес учредителя: 677018, г.Якутск, ул.Аммосова, д. 8, Редакция не несет ответственности за достоверность информации, содержащейся в рекламных объявлениях.Редакция не предоставляет справочной информации.12+

«Тыа ыччата» биэрии саҥа таһаарыытыгар Ньурба улууһун Малдьаҕар уонна Маалыкай сэлиэньэлэрин ыччатын туһунан көрүҥ: 80-ча сүөһүлээх, тыа хаһаайыстыбатынан дьарыктанар Малдьаҕар сэлиэнньэтин эдэр эрчимнээх олохтооҕо Айсиэн Степанов; Маалыкайга массыына өрөмүөннүүр мастарыскыайдаах Илья Мопполов; Тыа сиригэр сэдэх, таҥас сууйар дьоҕус тэрилтэлээх уонна инникигэ киэҥ былааннардаах Николай уонна Саргылана Егоровтар дьиэ кэргэттэрэ.

«Санаа күүһэ» биэрии дьоруойунан ыарахан спортивнай тыраамбалартан содулларыттан саҥаттан хаамарга үөрэнэргэ күһэллибит, доруобуйатынан хааччахтаах спортсмен, тренер Сергей Бордачев буолла. Бэйэни харыстана сылдьыы, доруобуйаҕа болҕомтолоох буолуу, дьарык кэмигэр эт-хаан эчэйиититтэн сэрэтии уонна спорт олоххо суолтатын туһунан сиһилии биэриигэ көрүҥ.

«Талбан» биэриигэ аҕам саастаах дьоҥҥо көмө оҥорор волонтердар үлэлэрин, босхо мааскалары тигии, коронавирус тарҕаныытын сэрэтэр миэрэлэр тустарынан уонна сүүрүк Сардана Трофимованы кытта быһа сибээһинэн кэпсэттибит. Маны таһынан, биллиилээх ыытааччы уонна комментатор Дмитрий Губерниев быһа сибээскэ таҕыста. Бэйэни изоляцияланыы эрэһиимин кэмигэр тугунан дьарыктанарын, Токиоҕа ыытыллыахтаах Олимпиада көһөрүллүүтүн уонна пандемия аан дойду спордугар сабыдыалын туһунан сэһэргээтэ. Өрөспүүбүлүкэ …

Дмитрий Губерниевы кытта быһа сибээс — НВК Саха Читать полностью »