Россия киинэтин күнүн көрсө Саха сирин сэлиэнньэлэригэр “Экстра Синема” технология көмөтүнэн уопсайа 15 киинэ саалатын арыйдылар.
Тэрээһиҥҥэ Ил Дархан Айсен Николаев уонна “Экстра синема” хампаанньа дириэктэрэ Петр Чиряев кыттыыны ыллылар.
«Үгүс дьон итэҕэйбэтин олоххо киллэрдибит. Бу күҥҥэ диэри биһиги санаабытыгар, Петр Чиряев кинопроектарыгар эрэммэт этилэр. Ол эрээри биһиги киномотографпыт Россия уонна аан дойду үрдүнэн үрдүк таһымҥа сылдьарын билэбит. Биһиэхэ киинэ технологияларын айар ыччаттардаахпыт. Сүрүнэ диэн – киинэни устуу буолбакка, көрдөрүү усулуобуйатын тэрийиигэ, ырыынагы баһылыырга уонна киэҥ эйгэҕэ тарҕатыыга дьулуһуохтаахпыт», – диэн Ил Дархан Айсен Николаев сырдатта.
Амма, Бүлүү, Үөһээ Бүлүү, Кэбээйи, Нам, Өймөкөөн, Сунтаар, Уус Алдан, Хаҥалас, Чурапчы оройуоннар уонна Тулагы сэлиэнньэтэ киинэни улахан экраҥҥа көрөр кыахтаннылар.
Маны таһынан, атырдьах ыйын 26 күнүгэр, киинэ күнүгэр Өлүөхүмэ улууһун Дьаархан, Ньурба улууһун Чукаар нэһилиэктэригэр киинэ саалаларын арыйыахтара.
Аан маҥнай киинэ саалатыгар Дмитрий Дьяченко «Чебурашка», Клим Шипенко «Вызов», Сергей Урсуляк «Праздник» диэн киинэлэрэ көрдөрүллүбүтэ бэлиэтэнэр.