Дьокуускай куорат култуура уонна сынньалаҥ пааркатын үлэтэ салҕаныа. Бу туһунан куорат уокуругун дьаһалтатын пресс-сулууспата иһитиннэрэр.
«Пааркаҕа сылдьааччыларга биир сиргэ дьон мустуутун үөскэппэт буолууну уонна уочаракка турар кэмҥэ дьон бэйэ-бэйэлэриттэн биир миэтэрэттэн тэйиччи сылдьалларын сүбэлээтилэр», — диэн этиллэр.
Куорат култууратын уонна спордун муниципальнай тэрилтэлэрин үлэлэрэ тохтотулунна.
Уопсастыбаннай аһы-үөлү хааччыйар тэрилтэлэргэ дьон олорор миэстэлэрэ бэйэ-бэйэлэриттэн биир миэтэрэ тэйиччи буоларын тэрийэргэ этилиннэ.
Атыы-эргиэн уонна араас өҥөнү оҥоруу эйгэтигэр үлэлиир дьоҕус уонна орто бизнес тэрилтэлэригэр мааскалаах сылдьыы эрэһиимин киллэрэргэ уонна дьону кытта үлэлииллэригэр бэрчээккэ тутталларыгар сүбэлээтилэр.