Кулун тутар 5 күнүгэр өрөспүүбүлүкэ саастаах бөһүөлэгин 400 сыллаах үбүлүөйүгэр аналлаах хаартыска быыстапката «Россия-мин история» история пааркатыгар аһылынна. Бу туһунан Ленскэй оройуон дьаһалтатын пресс- сулууспата иһитиннэрэр.
Онно историктар, кыраайы үөрэтээччилэр уонна олохтоох дьон 80- тан тахса хаартыската турда. Бу быыстапка эрдэ Ленскэй историко- краеведческай музейыгар туруоруллубута.
Биитим-1621 сыллаахха тэриллибит Саха сирин биир саастаах бөһүөлэгэ. Быыстапканы сэргээччилэр Биитим Спасо-Никольскай храмын үлэһиттэрин, олохтоох сулууспалааччыларын, байылыат ыал бэрэстэбиитэллэрин, ол иһигэр биллэр Анна Громова күн бүгүнүгэр диэри Биитимҥэ баар дьиэтин көрүөхтэрин сөп. 2020 сылга култуура нэһилиэстибэтин эбийиэгинэн билинниллибитэ.
Ону сэргэ, леспромхозтар, бастакы маайдааҕы демонстрациялар, тыа хаһаайыстыбатын үлэтин хаартыскалара, оттон аныгы кэмтэн — оскуола акылаатын түһэрии уонна Биитими кытта сэргэ промышленнай тэрилтэлэр үлэлэрин саҕалааһын хаартыскалара көрдөрүлүннэ. Хас биирдии хаартыска анал QR-код сыһыарыылаах, онон эбии информацияны булуон сөп.