Өрөспүүбүлүкэ киинигэр, Кыайыы Пааркатыгар Аҕа дойду Улуу сэриитин кыттыылааҕа, Аан дойдуга аатырбыт бэргэн ытааччыга анаммыт скульптурнай композиция турда. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Скульптор Николай Чоччасов уонна архтитектор Марина Рожина Иван Кульбертиновка аналлаах скульптурнай композиция бастыҥ эскииһин бырайыага куонкурус кыайыылаахтарынан ааттаннылар.
«Пааматынньык оҥоһуутугар Иван Николаевич уола Иван Иванович уонна Аҕыйах ахсааннаах Хотугу норуоттар Ассоциациаларын, Өлүөхүмэ оройуонун бэрэстэбиитэллэрэ кыттыыны ылбыттара олус үөрдэр», — диэн Николай Чоччасов бэлиэтээтэ.