Өрөспүүбүлүкэ киин куоратыгар Орджоникидзе аатынан болуоссакка саҥа дьыллааҕы харыйаны туруоруу сэтинньи 23 күнүгэр диэри түмүктэниэҕэ. Бу туһунан куорат дьаһалтатын пресс-сулууспата иһитиннэрэр.
23 миэтэрэ үрдүктээх искусственнай харыйа тимир каркаастан уонна лабаалартан турар.
«Билиҥҥи туругунан, каркааһын туруордулар, лабааларын ииллилэр, салгыы харыйаны хаар уонна сахалыы оһуор быһыылаах уоттаах оонньуурдарынан киэргэтиэхтэрэ», — диэн иһитиннэриигэ этиллэр.
Дьокуускай сүрүн харыйатын уота үгэс быһыытынан ахсынньы 1 күнүгэр сандаарыаҕа.
Бу күнтэн «Зима начинается с Якутии» сыллата ыытыллар бэстибээл саҕаланыаҕа.