Кэлэн иһэр аан дойдутааҕы кэрэ аҥардар күннэрин көрсө Горнай улууһугар олус интириэһинэй киэптээх оҕунан ытыы күрэҕэ ааста.
«Дьүөгэлиилэр» диэн үс киһиттэн турар уонна «Ийэ кыыһынаан» диэн туөрт хамаанда, барыта 37 кэрэ аҥар кыттыыны ылла. Спортсменнар бары ох курдук оҥостубуттар, эт-хаан өттүнэн сыалы ытыыга күүстээх дьарыктарын таһынан, тас сэбэрэлэрин тыатааҕы остуоруйа дьоруойдарыныы эльфтар курдук таҥнан-симэнэн кэлбиттэрэ көрөргө олус кэрэхсэбиллээх.
Тыҥааһыннаах күрэх түмүгүнэн разрядтаах хамаандалар икки ардыларыгар кыайыылааҕынан «Эльфы Долины Эҥсиэли» (Нам улууһа), таптаан дьарыктанааччыларга «Мариэльские эльфийки» (Горнай улууһа) буоллулар. Атын күрэхтэһээччилэр араас анал аакка тигитсилэр. Маны таһынан күрэх чэрчитинэн охчут кэрэ аҥардарга сирэйи харыстыырга, тупсарарга маастар-кылаастар ыытылыннылар.