Хаҥалас улууһун олохтооҕо Варвара Соловьева Москваҕа ыытыллыбыт норуоттар икки ардыларынааҕы J-1 ювелирнай быыстапка-конгресска кыайда. Бу туһунан оройуоннааҕы ИМЦ пресс-сулууспата иһитиннэрэр.
Тиит-Арыы сэлиэнньэтин «Эркээйи» култуура киинин исписсиэлиһэ ювелирнай быыстапка-конгресска «На ярмарку в город» диэн үлэни бэлэмнээн «Лучший скульптор, Ювелирная пластика»анал аакка кыайыылааҕынан таҕыста.
Балаҕан ыйын 26-28 күннэригэр ыытыллыбыт быыстапка бырагырааматыгар аан дойдуттан 400 киһи кытынна.