Ааспыт сылга М.К. Аммосов аатынан Хотугулуу-Илиҥҥи федеральнай үнүбэрсиэт тыл уонна литература хайысхатыгар мегагрант куонкуруһун кыайыылааҕа буолбута. Онтон быйыл наука уонна технология сылыгар бу мегагрант иитинэн лингвистическэй бырайыак бастакы түһүмэҕин тыл үөрэхтээхтэрэ ыыттылар.
Бу киэҥ хабааннаах бырайыак Арктика сайдыытын чэрчитинэн, хотугу олохтоох норуоттар тылларын, култуураларын арааһын уонна эриэккэһин харыстыыр, сүппэттэрин утарар сыаллаах тэриллэн ыытылынна. Бу түһүмэҕи чинчийии түмүгүнэн туох-ханнык түмүктэри учуонайдар оҥордуларый? Хотугу норуоттар тылбыт-өспүт туруга бу күҥҥэ хайдаҕый? Биэриигэ учуонайдары уонна тыл үөрэхтээхтэрин кытта бу туһунан кэпсэттибит.