Ил Дархан Арктика күнүнэн Саха сирин олохтоохторун эҕэрдэлээтэ.
«Бу өрөспүүбүлүкэбит бүттүүнүн бырааһынньыга. Арктика тыйыс айылҕатыгар 1 мөлүйүөн 600 тыһыынча квадратнай миэтэрэлээх сиргэ 68 тыһыынчаттан тахса киһи олорор. Билигин аан дойдуга Арктика суолтата улаатта», — диэн кини бэлиэтээтэ.
Хотугу аҕыйах ахсааннаах норуоттарга Айсен Николаев махталын биллэрдэ.
«Хоту олорор норуоттарга барҕа махталбын тиэрдэбин. Кинилэр кытаанах санаалаахтар, төрүт үгэһи үйэтитэллэр, сатабылы үүнэр көлүөнэҕэ иҥэрэллэр», — диэтэ.
Арктика уонна Уһук Илиҥҥи регион дойду үрдүнэн экономическай сайдыыны кэрэһэлииллэрин, Саха сиригэр уонна Россияҕа Арктика – кэлэр кэскил буоларын бэлиэтээтэ.
«Бары биир санаанан Арктика үүнэрин-сайдар ситиһиэхпит», — диэн санаатын эттэ.