«Сахафильм» киинэ хампаанньа «MUUS uSTAR» ыччат бэстибээлин чэрчитинэн ыытыллар кылгас кээмэйдээх киинэ сценарийын куонкуруһун кулун тутар 20 күнүгэр диэри уһаттылар.
Куонкурус кыайыылаахтара хампаанньаттан харчынан бириистэри, техническэй өйөбүлү ылыахтара диэн бэлиэтииллэр, ону тэҥэ 2022 сыл ахсынньытыгар «Киинэ Өрөспүүбүлүкэтэ» кылгас кээмэйдээх киинэ бэстибээлигэр кыттыахтара.
«MUUS uSTAR» бэстибээл чэрчитинэн саҥа саҕалаан эрэр сценаристарга маастар-кылаас ыытыллара былааннанар.
Куонкуруска 18-тан 35-гэр диэри саастаахтар кытталлар, уһуна 5-тэн 20 мүнүүтэҕэ диэри, үлэни кулун тутар 20 күнүгэр диэри respublika.kino@yandex.ru электроннай аадырыска туталлар.