Никита Никитин Элгээйи оскуолатын төрдүс кылааһын үөрэнээччитэ араас көтөр саҥатын үтүктэрин киһи сөҕө-махтайа көрөр. Сыл аайы саҥатын үтүктэр кыылын арааһа элбээн иһэр. Уолчаан инникитин орнитолог идэтин баһылыыр санаалаах.
Уһуйааччыта Сардана Герасимова ураты дьарыктаах оҕону тута таба көрөн сиэтэ сылдьан элбэххэ үөрэтэр.
Бу күннэргэ кырачаан орнитологтар Тойбохой түмэлигэр тыыннаах муннугу көрдүлэр, ону кытта Сунтаар пааркатыгар Максим Афанасьев көрөр-харайар чыычаахтарын, тииҥнэрин кытта билистилэр.