Балаҕан ыйын 21 күнүгэр «Лоокуут уонна Ньургуһун» саҥа сахалыы киинэ улахан экраҥҥа тахсыбыта. Бу киинэни режиссер Константин Тимофеев устан, таҥан таһаарда.
Киинэ фронтовик суруйааччы, поэт Тимофей Сметанин айымньытыгар олоҕурар. Хартыына эдэр таптаһар сүрэхтэр дьылҕаларын тула салаллар.
Киинэни ааспыт сайын Амма уонна Хаҥалас улууһугар устубуттара. Саҥа хартыынаҕа Мария Михалева, Василий Белолюбскай, Иннокентий Луковцев, Ирина Никофорова уонна да атыттар оонньоотулар. «Талбан» биэриигэ «Лоокуут уонна Ньургуһун» киинэ тула кэпсэтии ыыттыбыт.