2021-2022 үөрэх дьылыгар М.Н. Жирков аатынан музыкальнай колледжка туттарсыы атырдьах ыйын 15 күнүгэр диэри буолуоҕа. Билиҥҥи туругунан, 112 сайабылыанньа киирдэ. Бу туһунан тэрилтэ пресс-сулууспата иһитиннэрэр.
Сүүмэрдээһини 65 бүддьүөт миэстэтигэр оңоруохтара. Ол курдук, «Вокальное искусство» хайысхаҕа 38 сайабылыанньа, «Сольное и хоровое народное пение» – 19 сайабылыанньа, «Хоровой дирижирование» – сэттэ сайабылыанньа, «Теория музыки» — икки сайабылыанньа, «Музыкальное искусство эстрады» — аҕыс сайабылыанньа киирдэ.
«Инструментальное исполнительство (инструменнар көрүҥнэринэн)» хайысхаҕа 38 сайабылыанньа киирдэ. Ол иһигэр, «Фортепиано» — биэс сайабылыанньа, «Струнно-смычковые — биир сайабылыанньа, «Оркестровые духовые и ударные инструменты» — 13 сайабылыанньа, «Инструменты народного оркестра» — 19 сайабылыанньа киирдэ.
Колледжка оҕо музыкальнай оскуолатын, искуустуба оскуолатын бүтэрбит Россия гражданнара, ону тэҥэ, сүрүн киирии эксээмэннэрин ситиһиилээхтик туттарбыттары ылаллар. Үөрэтии очнай буолар. Дьарыктар атырдьах ыйын 16-тан 21-гэр диэри, туттарсыы атырдьах ыйын 23-тэн 28 күнүгэр диэри ыытыллыаҕа. Үөрэххэ киирии бирикээһэ атырдьах ыйын 31 күнүттэн уһуо суоҕа.