Россия премьер-миниистирэ Михаил Мишустин Уһук Илин култуура кииннэрин тэрийэр туһунан бырабыыталыстыба уурааҕар илии баттаата. Бу туһунан ТАСС иһитиннэрэр.
Уһук Илиҥҥи федеральнай уокурук регионнарыгар баар куораттыы тииптээх бөһүөлэктэргэ култуура сайдыытын аныгы кииннэрэ баар буолуохтара. Култуура сайдыытын киинэ — диэн дьиэ кэрэгҥҥэ барытыгар туһуламмыт саҥа халыыптаах сынньалаҥ киинэ.
«Манна быыстапкалар ыытыллыахтарын, киинэ көрдөрүөхтэрин, дойду араас регионнарыттан артыыстар кэлиэхтэрин сөп. Билиҥҥи култуура кииннэриттэн уратыта диэн, араас хайысхалаах уонна аныгы оҥоһуулаах буолуоҕа», — диэн миниистирдэр кэбиниэттэрэ иһитиннэрэр.
Россия бөһүөлэктэригэр уонна кыра куораттарыгар култуура кииннэрин тутуу федеральнай бүддьүөттэн үбүлэниэҕэ.