Бэстибээл түмүктүүр түһүмэҕэ Дьокуускайга кулун тутар 24-25 күннэригэр буолуо. Тэрээһин хэдлайнердарынан уонна экспертэринэн спортивнай гимнастикаҕа олимпийскай чемпион Никита Нагорнай, «Россия 1» ханаал ыытааччыта Денис Полунчуков, «ВКонтакте» социальнай ситим амбассадора Алекса Доминика, киинэ искусствотын үөрэтэр исписэлиис Алексей Апостолов, «Просвещение» кинигэ кыһатын эксперэ Алексей Ермолин уонна хомусчут Ильдар Гамадиев буолаллар.
Санатан эттэххэ, 2022 сыллаахха «Муус устар» 18 тыһыынчаттан тахса, итиэннэ интэрниэт нөҥүө 200 тыһыынчаттан тахса киһини түмэ тардыбыта. Бырайыак 2021 сылтан саҕаламмыта уонна Уһук Илин ыччат биир улахан тэрээһинэ буолбута.