Максим Аммосов төрөөбүт дойдутугар – Намҥа култуура уонна духуобунай сайдыы дыбарыаһа арылынна.
«Өрөспүүбүлүкэ күнүгэр,2020 сыл муус устар 27 күнүгэр Нам култуура дыбарыаһын сыбаайатын түһэрбиппит. Биһиги бэйэбитигэр Максим Аммосов 125 сааһыгар уонна Саха АССР тэриллибитэ 100 сылыгар бу дыбарыаһы тутан бүтэриэхтээхпит диэн сыал туруорбуппут. Ол сыалбыт ситэн, сэлиэнньэҕэ бастыҥ култуура дыбарыаһа буолла», — диэн СӨ баһылыга Айсен Николаев үөрүүлээх тэрээһиҥҥэ эттэ.
Саҥа алта тыһыынча кв.миэтэрэлээх тутууга 400 миэстэлээх көрөөччү салаата, библиотека, ЗАГС салалтата, историко-этнографическай түмэл, Националдьнай уус-уран түмэл Намнааҕы филиалын хартыына галереята баар.
Бырайыак АЛРОСА хампаанньа үбүлээһининэн, кэлэр көлүөнэ пуондун көҕүлээһининэн олохтоммут. Итиэннэ, 480 мөл. солк. көрүллүбүт. Тутуу аттыгар саха поэта Илья Винокуров – Чаҕылхан түмэлэ, Максим Аммосов аатынан болуосса уонна саха балаҕана тутуллара былааннанар.
Биэс сыл устата өрөспүүбүлүкэҕэ 39 култуура эбийиэгэ үлэҕэ киирбит. Кэлэр сылга өссө эбии 12 эбийиэк тутуллара былааннанар.