Олунньу 10-11 күннэригэр Нам улууһун саҥа култуура дыбарыаһыгар «Туналҕаннаах ньуурдаах Туйаарыма Куо» музыкальнай испиктээк көстүөҕэ.
Драманы туруорууга, сыананы киэргэтиигэ, таҥас-сап тигиитигэр Эҥсиэлиттэн төрүттээх, талааннаах дьон үлэлэстилэр, онтон оруолларга улуус дьоно-сэргэтэ кытынна.
Улуу Ойуунускай айымньытынан суруллубут үс көстүүлээх испиктээк туруорааччы режиссера Прокопий Неустроев, дирижер Николай Петров, фольклор, этнография сүбэһитэ, либретто ааптара, алгысчыт Афанасий Федоров.