СӨ култууратын үтүөлээх үлэһитэ, Платон Ойуунускай аатынан судаарыстыбаннай бириэмийэ лауреата Борис Неустроев 75 сааһын туолар үбүлүөйүн бэлиэтиир.
Норуот маастара Саха сирин декоративнай-прикладной искуустубатыгар уон кинигэни суруйда. Борис Неустроев Таатта улууһун Ытык Күөл култууратын, Дьокуускай куораттааҕы «Арчы» духуобунай кииннэрин художественнай киэргэтиитин салайбыта уонна Таатта улууһун Баайаҕа нэһилиэгэр Аҕа дойду улуу сэриитин дьоруойдарыгар аналлаах пааматынньыктар ааптардара буолар.
Маастар 75 сааһын туолар үбүлүөйдээх тэрээһиннэрин чэрчитинэн, балаҕан ыйын 29 күнүгэр Таатта улууһун Томтор сэлиэнньэтигэр этнокультурнай комплекс тутулунна. Комплекска туос моҕол ураһа, Саха сирин уустарын түмэлэ уонна балаҕан киирэр. Ил Дархан Айсен Николаев бэлиэтииринэн, өрөспүүбүлүкэ 20 улууһун маастардара саха төрүт ньыматынан духуобунай култуура эбийиэгин тутан таһаардылар. Тутууга туһаныллыбыт туос барыта өрөспүүбүлүкэ иһиттэн хомулунна.