Д.К. Сивцев аатынан опера уонна балет тыйаатырын ырыаһыта, өрөспүүбүлүкэ үтүөлээх артыыһа Прасковья Герасимова, Л.В. Мясникова аатынан норуоттар икки ардыларынааҕы ырыаһыттар куонкурустарыгар II истиэпэннээх лауреат аатын ылла. Бу туһунан тэрилтэ пресс-сулууспата иһитиннэрэр.
Ырыаһыттар куонкурустарын М.И. Глинка аатынан Новосибирскайдааҕы судаарыстыбаннай консерватория үс сылга биирдэ тэрийэн ыытар.
Куонкурус сыала — ырыа искусствотын төрүт үгэстэрин сайыннарыы, академическай ырыа жанрыгар эдэр, талааннаах толорооччулары таһаарыы. Куонкурус 2020 сыл сэтинньи 27-тэн ахсынньы 1 күнүгэр диэри ыытылынна.