«Пушкин картатынан» Саха сиригэр балаҕан ыйынааҕы ааҕыынан 63 тыһыынча киһи туһанар. Сыл саҕаланыыта 49 тыһыынча этэ. Саҥа театральнай сезон саҕаланан, балаҕан ыйыгар түмэллэргэ араас тэрээһиннэр ыытыллан, картанан туһанааччы 22% элбээбит. «Пушкин картата» бырагыраамаҕа 16 түмэл, 13 театр, үс кэнсиэр былаһаакката, 93 култуура дыбарыаһа, кулууп, биэс библиотека, аҕыс үөрэх кыһата уонна тоҕус киинэ театра баар.
Санатан эттэххэ, бу чэпчэтиилээх карта бырайыага бэрэсидьиэн Владимир Путин көҕүлээһининэн саҕаламмыта. Ыччаты, оҕолору култуураҕа, искусствоҕа сыһыарар аналлаах.