«Россия» норуоттар икки ардыларынааҕы быыстапка-форумҥа сэтинньи 12 күнүгэр өрөспүүбүлүкэ күнүн чэрчитинэн «Тымныы Оҕуһа» тэттик 3Д-ойуулугу уонна «Рядовой Чээрин» киинэни көрдөрүөхтэрэ.
Ил Дархан Айсен Николаев бэлиэтээтбитинэн, Саха сиригэр норуот үгэһэ уонна култуурата аныгы ультратехнологияны уонна креативнай идеяны кытта ситимнэһэр, ону тэҥэ өрөспүүбүлүкэ быыстапка ыалдьыттарыгар ситиһиилэрин, бырайыактарын көрдөрүө.
«Рядовой Чээрин» киинэ саха фронтовик-суруйааччыта Тимофей Сметанин 1947 сыллаахха суруйбут «Егор Чээрин» сэһэнинэн уһуллубута.
«Биһиги уһулбут «Рядовой Чээрин» киинэбит «Россия» быыстапкаҕа көстөрүттэн олус үөрдүбүт. Егор Чээрин уобараһа көрөөччүлэр санааларын салгыы өрө көтөҕүөҕэ уонна эдэр ыччакка патриотическай тыыны уһугуннарыаҕа», – диэтэ режиссер Дмитрий Кольцов.
«Тымныы Оҕуhа» (Бык холода) ойуулугу «Үлэ кыбаартала» креативнай кластер резидена «Тундра» анимационнай студия оҥорбута. Ойуулук соторутааҕыта ImagineNATIVE Film + Media Arts норуоттар икки ардыларынааҕы киинэ бэстибээлигэр бириис ылбыта.
«Россия» норуоттар икки ардыларынааҕы быыстапка-форум РФ бэрэсидьиэнэ Владимир Путин көҕүлээһининэн Москваҕа ВДНХ-ҕа 2023 сыл сэтинньи 4 күнүттэн 2024 сыл муус устар 12 күнүгэр диэри ыытыллар.