Мэҥэ‒Хаҥалас улууһугар биллэриллибит Дьоруой сылыгар аналлаах
“Сүөдэрбит геройбут, мохсоҕол буойуммут!” улуустааҕы ырыа-хоһоон куонкуруһа буолан ааста.
Куонуруска кыттааччылар сахалартан бастакы Сэбиэскэй Сойуус Дьоруойа Федор Кузьмич Попов килбиэннээх аатынан киэн тутталларын, махталларын бар дьоҥҥо таһаардылар.
Лоомтука, Томтор, Хорообут, Тумул, Павловскай, Сыымах, Төҥүлү, Төхтүр, Бүтэйдээх, Табаҕа, Хара нэһилиэктэриттэн, Майа сэлиэнньэтиттэн уопсайа 158 кыттааччы, 41 биирдиилээн толорооччу, 26 бөлөх кытынна. Уопсайа дьүүллүүр сүбэ 67 нүөмэри көрдө.
«Бары кыттааччыларбытыгар барҕа махталбытын биллэрэбит. Куруутун бу курдук бар дьоҥҥо сырдыгынан сыдьаайа сылдьыҥ, кэрэни үксэтэ туруҥ, дойдугут аатын киэҥник ааттатыҥ! Кытаанах доруобуйаны!», — диэтэ Ходулов аатынан култуура киинин исписэлииһэ Галина Эверстова.