Саха сирин режиссердарын киинэлэрэ «Көмүс хотой» киинэ бириэмийэтин экспертэрин сэбиэтэ сүбэлиир испииһэгэр киирдилэр.
Дмитрий Давыдов «Пугало» уонна Никита Аржаков «Тыгын Дархан» киинэлэрэ «Бастыҥ оонньуулаах киинэ» анал аат кыайыылаахтара буолуохтарын сөп.
«Бастыҥ кылгас киинэ» хайысхаҕа режиссер Анастасия Борисова «Ийэ» уонна «Сулус» киинэлэр киирдилэр.
Испииһэккэ барыта 31 киинэ киирбит.
«Көмүс хотой» бириэмийэ кытыылаахтара ахсынньы бүтүүтэ биллэриллиэхтэрэ. Кыайыылаахтары наҕараадалааһын 2021 сыл тохсунньутугар ыытыллыаҕа.