Саха киинэтэ «Кэрэни көрбүт» Ираҥҥа «Фаджр» норуоттар икки ардыларынааҕы киинэ бэстибээлигэр cитиһиилэннэ. Бу туһунан САХАФИЛЬМ Telegram ханаала иһитиннэрэр.
Бастыҥ сценарий иһин наҕарааданы хартыына продюссерыгар Иван Болотниковка туттардылар. Кинофестиваль «Фаджр» киинэ бэстибээлэ Тегеран куоракка олунньу 1-11 күннэригэр ыытылынна.
Киинэ саха олоҕун көрдөрөр, икки сүрүн дьоруой — Иван Попов уонна Степан Бересеков дьылҕалара арыллар. Режиссер Любовь Борисова эрдэ киэҥник тарҕаммыт «Мин үрдүбэр күн хаһан да киирбэт» киинэнэн биллибитэ. Кини кэпсээбитинэн, «Не хороните меня без Ивана» дьиҥ олоххо олоҕуран уһуллубут. Сценарийга худуоһунньук уонна этнограф Иван Васильевич Попов уонна кини доҕоро, литаргическай утуйуунан эрэйдэнэр Степан Бересеков тустарынан.
«Бересековы өлбүт диэн Таҥара дьиэтигэр атаара сылдьаллар, ону эмискэ туран кэлэн, таҥара үлэһитин куттуур. Онтон Попов ураһатыгар кэлэн көмө көрдүүр. Кини туохтан итинник ыалдьарын быһаарар. Онтон ыла Бересеков дьоҥҥо «аныгыскыга худуоһунньук Иван Попова суох миигин көмөөйөҕүт» диэбит.