«Саха» национальнай көрдөрөр-иһитиннэрэр хампаанньа «Дыгын оонньуулара» бырайыага «ТЭФИ-регион» XIХ-с төгүлүн ыытыллар бүтүн Россиятааҕы куонкуруска «Телевидение уонна олох» анал ааты ылары ситистэ.
«Дыгын оонньуулара» телевидение бырайыагын ааптара Радомир Томскай. Саха төрүт оонньууларын туһунан киинэ, суруналыыстар Степан Посельскай уонна Власий Сергеев быһааран саҥарыыларынан куонкуруска таҕыста.
«Хас да төгүл биһиги түмүктүүр түһүмэххэ тиийэ сылдьыбыппыт эрээри, кыайыыга олох кыра тиийбэт этэ. Бырайыакка идэтийбит дьон хамаандата үлэлээтэҕинэ кыайыы кэлэр эбит. Биһиги быйыл, дьэ, ТЭФИ-ни ылар чиэскэ тигистибит!», — диэн «Саха» НКИХ ханаалын дириэктэрэ Олег Колесов бэлиэтээтэ.
«ТЭФИ-регион» бырайыак сүрүн сыала — Россия региональнай телевидениетин идэтийбит дьонун уонна ордук суолталаах үлэлэрин көҕүлээһин.
2020 сылга 130 хампаанньаттан 459 үлэ талылынна, кинилэртэн түмүктүүр түһүмэххэ 20 анал аакка 60 бырайыак киирдэ.