Саха сиригэр 7-9 саастаах оҕолору үөрэтэр циркэ оскуолатын арыйар былааннаахтар. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр. Оскуола Марфа уонна Сергей Расторгуевтар ааттарынан судаарыстыбаннай циркэ иһинэн үлэлиэҕэ. «Өрөспүүбүлүкэ үрдүнэн улахан куонкурус биллэрэн 7-9 саастаах 20-25 оҕону хомуйан үөрэтэр былаан баар. Оскуола сэттэ сыллаах буолуоҕа», — диэн иһитиннэриигэ этиллэр. Оскуола бырайыагын бырабыыталыстыба таһымыгар өйөөтүлэр. Дьокуускайдааҕы култуура коллеһын базатыгар быйыл күһүн арыйар былааннаахтар.
