Саха сиригэр Куттал суох буолуутун федеральнай сулууспатын өрөспүүбүлүкэтээҕи салаатын архыыбын кистэлэҥтэн тахсыбыт матырыйаалларыгар олоҕурар «Тоҥуй көмүс» киинэ уһуллуоҕа. Бу туһунан биэдэмистибэ пресс-сулууспата иһитиннэрэр.
Киинэ Аҕа дойду Улуу сэриитин кэмигэр Саха сиригэр буолан ааспыт историческэй чахчыларга олоҕуруоҕа.
Хартыына сценарийын Любовь Борисова суруйда, туруораачы- режиссер — Петр Хики, продюсер – Сардана Саввина. Киинэ устуута Хаҥалас улууһун Хачыкаат бөһүөлэгэр ыытыллара былааннанар.